وزیرِ اعظم عمران خان کی زیرصدارت وفاقی کابینہ کا اجلاس

October 20, 2020

اسلام آباد،20اکتوبر2020:

٭ وزیرِ اعظم عمران خان کی زیرصدارت وفاقی کابینہ کا اجلاس

٭ کورونا کی صورتحال:

٭ وفاقی کابینہ نے ملک میں کورونا کیسز کی تعداد میں اضافے رجحان پر تشویش کا اظہار کرتے ہوئے کہا کہ پاکستان نے بہترین حکمت عملی سے کورنا کی وباء کا مقابلہ کیا جس کا بین الاقوامی سطح پر اعتراف کیا گیا ہے۔ تاہم قوم کو  وباء کی دوسری لہر کے پیش نظر انتہائی احتیاط کی ضرورت ہے۔کابینہ کو بتایا گیا کہ رواں ماہ سامنے آنے والے کیسز کی تعداد میں جولائی اگست کے مقابلے میں اضافہ سامنے آیا ہے۔ کورونا مثبت کی شرح (positivity) دو فیصد تک پہنچ چکی ہے جبکہ اموات کی تعداد جو کہ جولائی اور اگست میں ایک ہندسے میں تھیں وہ اب دو ہندسوں میں ہو گئی ہیں۔ کابینہ نے اس امر پر زور دیا کہ حفاظتی اقدامات خصوصاً ماسک کا استعمال اور دیگر ایس او پیز پر عمل درآمد کو یقینی بنایا جائے۔

٭ ایم کیوایم کی جانب سے وزیرِ اعظم کورونا ریلیف فنڈکے لئے عطیہ

٭ اجلاس کے دوران وفاقی وزیر برائے انفارمیشن ٹیکنالوجی سید امین الحق نے متحدہ قومی موومنٹ  کے عہدہ داران کی جانب سے وزیرِ اعظم کوویڈ ریلیف فنڈ کے لئے 1,033,933روپے کا چیک پیش کیا۔ 

٭ کابینہ کو گندم کی صورتحال کے حوالے سے بریفنگ:

٭ کابینہ کو ملک میں گندم کے موجود ذخائر اور مستقبل کی ضروریات کے پیش نظر درآمد کی جانے والی گندم کی صورتحال کے بارے میں بریفنگ دی گئی۔ اجلاس کو مختلف صوبوں کی جانب سے سرکاری گندم کی ریلیز کی صورتحال پر بریفنگ دی گئی۔ کابینہ کو بتایا گیا کہ حکومت پنجاب کی جانب سے سترہ سے بیس ہزار ٹن یومیہ گندم ریلیز کی جا رہی ہے جسے پچیس ہزار ٹن تک بڑھایا جا رہا ہے۔ حکومت سندھ کی جانب سے بیس سے اکتیس اکتوبر تک پچاسی ہزار ٹن گندم ریلیز کی جا رہی ہے۔ اجلاس کو بتایا گیا ہے کہ صوبہ پنجاب کی جانب سے یقین دہانی کرائی گئی ہے کہ یوٹیلیٹی اسٹورز پر طلب کے مطابق گندم کی فراہمی کو یقینی بنایا جائے گا۔ اسی طرح صوبہ سندھ کی جانب سے بھی یقین دہانی کرائی گئی ہے کہ فلور ملوں کو ان کی ضروریات کے مطابق گندم کی فراہمی یقینی بنائی جائے گی۔ کابینہ نے اس عزم کا اعادہ کیا کہ ملک میں نہ صرف گندم کی وافر دستیابی کو یقینی بنایا جائے گا بلکہ قیمتوں کو بھی قابو میں رکھا جائے گا اور اس ضمن میں تمام ضروری اقدامات اٹھائے جائیں گے۔ 

 ٭ چینی کی صورتحال پر بریفنگ

٭ اجلاس کو ملک میں موجود چینی کے ذخائر، درآمد کی صورتحال اور قیمت کے حوالے سے تفصیلی بریفنگ۔ کابینہ کو بتایا گیا کہ چینی سے متعلق واجد ضیاء کی رپورٹ کے بعد فزیکل ویریفیکیشن کا عمل شروع کیا گیا۔ اجلاس کو بتایا گیا کہ اوسطاً ماہانہ دو سے ڈھائی لاکھ ٹن چینی کی کھپت میں اچانک کئی گنا اضافہ دیکھنے میں آیا۔ اجلاس کو بتایا گیا کہ چینی کی ضروریات کے پیش نظر فوری طور پر درآمد کا فیصلہ کیا گیا۔ کابینہ کو بتایا گیا کہ آئندہ بیس دنوں میں کرشنگ سیزن کا آغاز ہو جائے گا۔ کرشنگ سیزن میں تاخیر پر پچاس لاکھ یومیہ جرمانہ کیا جائے گا۔ اس حوالے سے حکومت پنجاب نے قانون میں ترمیم کر لی ہے۔ کابینہ کو بتایا گیا کہ آئندہ چند دنوں میں دو لاکھ ٹن چینی ملک میں پہنچ جائے گی۔ 

وزیرِ اعظم نے ہدایت کی کہ گندم اور چینی کے حوالے سے تفصیلی رپورٹ اگلی کابینہ اجلاس میں پیش کی جائے اس رپورٹ میں گندم اور چینی کی قیمتوں، ضروریات کو پورا کرنے کے حوالے سے کیے جانے والے اقدامات کے ساتھ ساتھ دیگر تمام عوامل کا بھی جائزہ پیش کیا جائے گا۔ 

گن اینڈ کنٹری کلب کی انتظامیہ:

٭کابینہ نے گن  اینڈ کنٹری کلب اسلام آباد کی عارضی مینجمنٹ کمیٹی کی منظوری دی

٭کابینہ کمیٹی برائے ادارہ جاتی اصلاحات کے 07اکتوبر2020کے اجلاس میں لیے گئے فیصلوں کی توثیق کی گئی۔ 

٭کابینہ نے سندھ انفراسٹرکچر ڈویلپمنٹ کمپنی (لمیٹڈ) کو وزارتِ منصوبہ بندی، ڈویلپمنٹ اور خصوصی اقدامات کے تحت رکھنے کی منظوری دی۔

٭کابینہ نے سندھ انفراسٹرکچر ڈویلپمنٹ کمپنی کے چیف ایگزیکیٹو کے عہدے کا اضافی چارج  کی مدت توسیع کی منظوری دی 

٭ اقتصادی رابطہ کمیٹی کے 14اکتوبر 2020کے اجلاس میں لیے گئے فیصلوں کی توثیق کی گئی۔ 

٭ کابینہ نے98نئے  اووسیز ایمپلائمنٹ پروموٹر لائسنس کے اجراء،  18لائسنسوں واپس لیے جانے، 10کے ٹرانسفر جبکہ 05لائسنسوں کے دائرہ کارمیں تبدیلی کی تجویز کی منظوری دی۔

 ٭ کابینہ نے اقتصادی رابطہ کمیٹی کے 15اکتوبر2020کے اجلاس میں لیے گئے فیصلوں کی منظوری دی

٭ کابینہ کمیٹی برائے قانون سازی کے 19اکتوبر2020کے اجلاس میں لئے گئے فیصلوں کی بھی توثیق کی گئی۔ 

٭ کابینہ کمیٹی برائے توانائی کے 15اکتوبر2020کے اجلاس میں فرنس آئل کی طلب کو پورا کرنے کے حوالے سے لئے گئے فیصلے کی توثیق کی گئی۔