وزیرِ اعظم عمران خان سے چئیرمین قومی اقلیتی کمیشن  چیلا رام کیولانی کی قیادت میں کمیشن کے وفد کی ملاقات

October 12, 2020

وزیرِ اعظم عمران خان سے چئیرمین قومی اقلیتی کمیشن  چیلا رام کیولانی کی قیادت میں کمیشن کے وفد کی ملاقات

 

وفد میں وزیرِ برائے مذہبی امور پیر نور الحق قادری، مولانا  سید محمد عبدالخبیر آزاد، مفتی گلزار احمد نعیمی، جئےپال چھبڑیا، وشنو راجا قوی، ڈاکٹر سارہ صفدر، آرچ بشپ سبیسشن فرانسس شا، البرٹ ڈیوڈ، ڈاکٹر میمپال سنگھ، سروپ سنگھ، روشن خورشید بھاروچہ، داؤد شاہ، چیئرمین اسلامی نظریاتی کونسل ڈاکٹر قبلہ ایاز، پارلیمانی سیکرٹری  شنیلہ رتھ و دیگر شریک

 

قومی اقلیتی کمیشن کے کردار کو مزید مستحکم کرنے کے حوالے سے بات چیت

 

وزیرِ اعظم نے وفد سے بات چیت کرتے ہوئے کہا کہ  مذہبی رواداری  اور  بین المذاہب ہم آہنگی کا فروغ وقت کی اہم ضرورت ہے انہوں نے کہا کہ ملک دشمن عناصر مذہب کی آڑ میں معاشرے میں انتشار پھیلانے کی کوششوں میں ہیں جسے ہم سب نے ملکر ناکام بنانا ہے۔ وزیرِ اعظم نے امید ظاہر کی کہ قومی کمیشن برائے اقلیت اس ضمن میں اپنا بھرپور کردار ادا کرے گا۔

 

وزیر اعظم نے کہا حکومت اقلیتی برادری سے تعلق رکھنے والے شہریوں کے آئینی و قانونی حقوق کے تحفظ کے لیے پر عزم ہے اور اس حوالے سے تمام اقدامات اٹھائے جائیں گے۔