وزیرِ اعظم عمران خان کی زیر صدارت وزارت سائنس اینڈ ٹیکنالوجی کے نئے منصوبوں کے حوالے سے بریفنگ

August 21, 2020

اسلام آباد،21اگست2020:

 

وزیرِ اعظم عمران خان کی زیر صدارت وزارت سائنس اینڈ ٹیکنالوجی کے نئے منصوبوں کے حوالے سے بریفنگ

 

اجلاس میں وزیر برائے سائنس اینڈ ٹیکنالوجی چوہدری فواد احمد، مشیر تجارت   عبدالرزاق داؤد، سیکرٹری خزانہ، چئیرمین ایف بی آر اور دیگر سینئر افسران شریک

 

وزیر برائے سائنس اینڈ ٹیکنالوجی نے وزیرِ اعظم کوملک میں سائنس اینڈ ٹیکنالوجی کے فروغ کے حوالے سے گذشتہ دو سالوں میں شروع کیے جانے والے چند اہم   منصوبوں ، کامیابیوں اور مستقبل کے منصوبوں کے بارے میں بریفنگ دی

 

وزیر اعظم ہاؤس میں  انجنیئرنگ اور ایمرجنگ ٹیکنالوجی کی جدید  تعلیم کے حوالے سے مجوزہ یونیورسٹی کے قیام کے منصوبے پر اب تک ہونے والی پیش رفت پر بریفنگ

 

ملک بھر میں صاف پانی کی فراہمی کے پلانٹس اور خصوصاً اس منصوبے کے ذریعے نوجوانوں  اور خواتین کو روزگار کی فراہمی کے حوالے سے مجوزہ منصوبے پر بریفنگ

 

 یونیورسٹیوں کے  اشتراک سے ملک بھر کے چار سو ہائر سیکنڈری سکولوں میں سائنس، ٹیکنالوجی ، انجنیرنگ اور ریاضی کی تعلیم کے فروغ کے حوالے سے  سٹیم (STEM) منصوبہ شروع کرنے کی منظوری ۔ پہلے مرحلے میں چالیس سکولوں میں  سائنس ، ٹیکنالوجی ، انجنیرنگ اور ریاضی کی جدید تعلیم کے لئے خصوصی لیب قائم کی جائیں گی۔  چار سو سکولوں میں ایک لاکھ بچے کو جدید علوم میں تعلیم و تربیت کے مواقع میسر آئیں گے

 

وزیر سائنس اینڈ ٹیکنالوجی نے  طبی آلات  کی تیاری میں ملکی استعداد اور اس حوالے سے برآمدات میں اضافے کے حوالے سے مجوزہ روڈ میپ وزیرِ اعظم کو پیش کیا۔ 

 

زراعت کے شعبے کو جدید بنیادوں پر استوار کرنے ،زرعی پیداوار کو بڑھانے اور جدید ٹیکنالوجی کو برؤے کار لاکر ملکی استعداد کو برؤے کار لانے کے حوالے سے مفصل پلان بھی وزیرِ اعظم کو پیش۔ 

 

وزیرِ اعظم  نے کورونا کے دوران  مقامی سطح پر حفاظتی کٹس، وینٹیلیٹرز و دیگر سامان کی تیاری کے حوالے سے وزارتِ سائنس اینڈ ٹیکنالوجی اور خصوصاً وزیرِ سائنس کی کاوشوں کو سراہا۔ 

 

زراعت ، ملکی برآمدات   میں اضافے اور ملک میں سائنس اینڈ ٹیکنالوجی کے فروغ کے حوالے سے مجوزہ منصوبوں کو سراہتے ہوئے وزیرِ اعظم نے کہا کہ ملک کی نوجوان نسل میں بے انتہا صلاحیت موجود ہے۔ انہوں نے کہا کہ ملک کی ترقی سائنس اینڈ ٹیکنالوجی کے فروغ سے وابستہ ہے۔ وزیرِ اعظم نے ہدایت کی کہ ان منصوبوں کو جلد از جلد حتمی شکل دی جائے تاکہ ان پر عمل درآمد شروع کیا جا سکے۔

 

وزیر اعظم نے ہدایت کی کہ مجوزہ منصوبوں کی راہ حائل رکاوٹوں کو دور کیا جائے