وزیراعظم عمران خان کی ہدایت پر بیرون ملک پاکستانیوں کی سہولت کے لئے ایک اور بڑا قدم

August 20, 2020

وزیراعظم عمران خان کی ہدایت پر بیرون ملک پاکستانیوں کی سہولت کے لئے ایک اور بڑا قدم

 

 بیرون ملک مقیم پاکستانیوں کے لئے روشن ڈیجیٹل اکاؤنٹ  متعارف کرانے کے اقدام کی منظوری

 

وزیرِ اعظم عمران خان کی زیر صدارت ہونے والے اجلاس میں روشن ڈیجیٹل اکاؤنٹ  اور اس کے تحت میسر آنے والی سہولتوں پر بریفنگ

 

اسٹیٹ بنک آف پاکستان ملک کے آٹھ بڑے بنکوں کے تعاون سے روشن ڈیجیٹل اکاؤنٹ متعارف کرا رہا ہے۔ 

 

روشن ڈیجیٹل اکاؤنٹ  ستمبر کے پہلے ہفتے میں متعارف کرایا جائے گا۔ 

 

روشن ڈیجیٹل اکاؤنٹ کی بدولت  بیرون ملک مقیم پاکستانی گھر بیٹھے ملک کی کسی بھی بنک میں باآسانی اور منٹوں میں اپنا اکاؤنٹ کھول سکیں گے۔

 

روشن ڈیجیٹل اکاؤنٹ کی بدولت  ترسیلات زر،  بلوں کی ادائیگی  ، سرمایہ کاری سمیت مختلف سہولیات باآسانی میسر آئیں گی۔ 

 

وزیرِ اعظم نے بیرون ملک پاکستانیوں کی سہولت کاری کے لئے متعارف کرائے جانے والے روشن ڈیجیٹل اکاؤنٹ کے حوالے سے گورنر اسٹیٹ بنک  اور اشتراک کرنے والے  نجی  بنکوں کی کاوشوں کو سراہتے ہوئے کہا کہ بیرون ملک مقیم پاکستانی ملک کا سب سے قیمتی اثاثہ ہیں۔ وطن سے دور رہ کر ملک کی تعمیر و ترقی میں حصہ ڈالنے والے  ان پاکستانیوں اور ان کے خاندانوں کو ہر ممکن سہولت فراہم کرنا حکومت کی اولین ترجیح ہے۔