وزیراعظم عمران خان سے پاکستان تحریک انصاف کے کراچی سے تعلق رکھنے والے ممبر قومی اسمبلی محمد نجیب ہارون کی اسلام آباد میں ملاقات

May 14, 2020

وزیراعظم عمران خان سے پاکستان تحریک انصاف کے کراچی سے تعلق رکھنے والے ممبر قومی اسمبلی محمد نجیب ہارون کی اسلام آباد میں ملاقات ۔ ملاقات میں پاکستان تحریک انصاف کے قومی اسمبلی میں چیف وہپ ملک محمد عامر ڈوگر بھی موجود تھے ۔

 

ملاقات میں کراچی کی عوام کو درپیش مسائل اور ان کے حل کے حوالے سے امور پر گفتگو۔ 

 

کراچی نے پاکستان تحریک انصاف  کو  بھاری مینڈیٹ سے نوازا لہذا کراچی خاص توجہ کامستحق ہے :نجیب ہارون۔  

 

کراچی کے مسائل کے حل اور ترقی کی غرض سے جس قدر گہری دلچسپی وزیراعظم لے رہے ہیں وہ قابل تعریف ہے ۔ نجیب ہارون

 

ملک میں کورونا وائرس کی وبا سے نمٹنے کیلئے بروقت اقدامات  اور موثر فیصلہ سازی پر ممبر قومی اسمبلی محمد نجیب ہارون کا وزیر اعظم کو خراج تحسین ۔  

 

کنسٹرکشن کے شعبے میں ریلیف فراہم کرنے پر محمد نجیب ہارون نے وزیراعظم کا شکریہ ادا کیا۔ انہوں نے ٹرانسپورٹ کی بندش کی وجہ سے مزدور اور غریب طبقے کو درپیش مشکلات کا ذکر کرتے ہوئے وزیراعظم کو اس ضمن میں ٹرانسپورٹ کی بندش کے فیصلے پر نظر ثانی کی درخواست بھی کی۔