وزیرِ اعظم  عمران خان سے سید عبداللہ گیلانی اور سید فیض نقشبندی کی قیادت میں آل پارٹیز حریت کانفرنس کے وفد کی مظفرآباد میں ملاقات

February 05, 2020

وزیرِ اعظم  عمران خان سے سید عبداللہ گیلانی اور سید فیض نقشبندی کی قیادت میں آل پارٹیز حریت کانفرنس کے وفد کی مظفرآباد میں ملاقات

 

وفد میں عبدالمجید ملک، سید اعجاز رحمانی، شیخ محمد یعقوب ، عبدالمجید میر ، شیخ عبدالمتین اور جاوید اقبال بٹ شامل

 

وزیر خارجہ مخدوم شاہ محمود قریشی، وفاقی وزیر برائے امور کشمیر علی امین گنڈا پور،  کشمیر کمیٹی کے چیرمین سید فخر امام،  وزیر اعظم آزاد جموں کشمیر راجہ فاروق حیدر اور اسپیکر آزاد جموں کشمیر قانون ساز آسمبلی بھی ملاقات میں موجود۔

 

حریت کانفرنس کے وفد نے مقبوضہ جموں و کشمیر کی موجودہ صورتحال،   بھارت سرکار کی جانب سے جابرانہ و یکطرفہ اقدام  ،  غیر انسانی لاک ڈاؤن اور مواصلاتی ناکہ بندی، بھارتی قابض افواج کے ظلم و ستم اور بنیادی انسانی حقوق کی پامالی کی صورتحال کو عالمی سطح پر اجاگر کرنے کے لئے حکومت پاکستان اور بطور خاص وزیرِ اعظم عمران خان کی ذاتی کاوشوں کو بھر پور خراج تحسین پیش کیا۔ 

 

وفد نے مسئلہ کشمیر کو عالمی سطح پر مزید اجاگر کرنے کے حوالے سے  وزیرِ اعظم عمران خان کو تجاویز پیش کیں۔ 

 

جس موثر انداز میں وزیرِ اعظم پاکستان  مظلوم کشمیریوں کی آواز بنے ہیں پوری کشمیری قوم وزیرِ اعظم کی مشکور ہے: وفد کی وزیرِ اعظم سے گفتگو

 

وفد نے کہا کہ مقبوضہ کشمیر کے عوام وزیر اعظم عمران کی ذات سے خصوصی محبت رکھتے ہیں اور ان کے نام کے نعرے لگاتے ہیں۔ کشمیری جب شہید ہوتا ہے تو پاکستان کے پرچم میں دفن ہونا چاہتا ہے۔ 

 

نو لاکھ قابض افواج اور ریاستی جبر سے کشمیریوں کی آواز کو دبا یا نہیں جا سکتا: وزیرِ اعظم عمران خان

 

آر ایس ایس کے فلسفے پر عمل پیرا بھارتی سرکارکا فاشسٹ چہرہ دنیا کے سامنے بے نقاب ہو چکا ہے:  وزیرِ اعظم 

 

ہر سطح  اور ہر فورم پرکشمیریوں کی آواز بلند کرتا رہوں گا: وزیرِ اعظم عمران خان کا عزم 

 

ظلم و ستم سے متاثرہ مظلوم بچوں، نوجوانوں اور خواتین کی آوازیں عالمی ضمیر کو جھنجھوڑ رہی ہیں: وزیرِ اعظم 

 

کشمیریوں کو حق خود ارادیت ملنے تک پاکستان ہر محاذ پر کشمیریوں کی اخلاقی، سفارتی اور سیاسی حمایت جاری رکھے گا: وزیرِ اعظم عمران خان