وزیراعظم عمران خان سے معروف صنعت کاروں اور کاروباری شخصیات کی وزیراعظم آفس میں ملاقات۔

September 03, 2019

اسلام آباد،3ستمبر 2019ء
٭ وزیراعظم عمران خان سے معروف صنعت کاروں اور کاروباری شخصیات کی وزیراعظم آفس میں ملاقات۔
٭ ملاقات میں میاں محمد منشاء، بشیر علی محمد،علی حبیب، شاہد حسین، خلیل ستار، ثاقب شیرازی، شاہد عبداللہ،طارق سہگل،عارف حبیب، مصدق ذوالقرنین اور سکندر مصطفی شامل۔
٭ وزیر منصوبہ بندی مخدوم خسرو بختیار، وزیر بحری امور سید علی حیدر زیدی، مشیر خزانہ ڈاکٹر عبدالحفیظ شیخ، مشیر تجارت عبدالرزاق داؤد، مشیر برائے ادارہ جاتی اصلاحات ڈاکٹر عشرت حسین اور چیئرمین ایف بی آر سید شبر زیدی بھی موجود۔
٭ وزیراعظم عمران خان نے صنعت کاروں اور کاروباری شخصیات کودعوت دی کہ وہ معیشت کی بہتری کے سلسلے میں اپنی تجاویز پیش کریں۔
 ٭حکومت بھرپور کوشش کر رہی ہے کہ کاروبار ی سرگرمیوں کے لئے ہر ممکن سہولیات فراہم کی جائیں: وزیرِ اعظم
٭ جب تک کاروبار میں آسانیاں پیدا نہیں ہونگی اُس وقت تک معیشت کا پہیہ نہیں چل سکتا۔ وزیراعظم۔
٭ ہماری اولین ترجیح روزگار کے مواقع پید ا کرنا ہے جس سے غربت میں کمی آئے گی۔
٭ وزیراعظم نےکہا کہ کاروباری  برادری کی جانب سے پیش کی جانے والی تجاویز کی روشنی میں پالیسی سازی اور منصوبہ بندی کا عمل موثر طور پر آگے بڑھایا جائے گا۔
٭ حکومت معیشت کے تمام شعبوں میں مشاورتی عمل جاری رکھے گی اور  کاروباری طبقے سے ملاقاتوں کا سلسلہ باقاعدگی سے جاری رکھا جائے گا۔
٭ کاروباری شخصیات نے حکومت کی معاشی پالیسیوں پر بھرپور اعتماد کا اظہا رکیا اور  معیشت کی بہتری کے لئے حکومت کی معاشی ٹیم کی کاوشوں کو سراہا۔
٭ ملاقات کے دوران معیشت کی بہتری کے لیے  مختلف تجاویز پر تفصیلی گفتگو ہوئی۔ ان میں سرمایہ کاری کو فروغ دینے کے لیے اقدامات، نجکاری، محصولات میں اضافہ، ادارہ جاتی اصلاحات، ٹیکس نیٹ میں توسیع ، سالانہ بجٹ کی تیاری، ہنر مندی اور استعداد کار اور روزگار کے مواقع پیدا کرنے کے حوالے سے مختلف  تجاویز زیر غور آئیں۔
٭ وزیراعظم نے متعلقہ وزراء اور مشیروں کو ہدایت کی کہ وہ ان تمام تجاویز کا بغور جائزہ لیں اور کاروباری طبقے سے مشاورت  جاری رکھیں